ТОШКЕНТ, 5 апр — Sputnik. КХДР ҳатто арзимас тажовузкорликка йўл қўйилган тақдирда ҳам, АҚШнинг нафақат Жанубий Корея, балки Қўшма Штатлари ҳудудидаги қўшинларини ҳам қўшиб "кулини кўкка совуриш" билан таҳдид қилмоқда.
Ушбу ахборот КХДР томонидан ракета синовлари ўтказилгани ҳақида тарқалган хабарлар билан бир вақтнинг ўзида пайдо бўлганлиги айтилмоқда.
"Бизнинг позициямиз шундан иборатки, агар АҚШ салгина жойидан қимирласа ҳам шу заҳотиёқ, ҳеч қандай иккиланишларсиз душман ҳужумини қайтариш мақсадида нафақат Жанубий Кореядаги, балки асосий ҳудуддаги тажовузкор қўшинлар кукунга айлантирилади", — деб таъкидланган нашрда.
Нашр КХДР томонидан ўзини ҳимоялаш мақсадида бериладиган зарба ва алоҳида стратегия "тамомила адолатли" бўлишини таъкидлаган.
