ТОШКЕНТ, 5 апр — Sputnik. Пхеньян томонидан ўтказилган сўнгги ракета синовларидан сўнг Жанубий Корея қўшинлари жанговор ҳолатга келтирилди, деб хабар берди РИА Новости.
Баёнотда, Жанубий Корея қўшинлари "Шимолдан бўладиган ҳар қандай провокацияга зудлик билан жавоб қайтариш учун жанговор шай ҳолатни ишончли сақлаб туришгани" айтилган.
"Бизнинг Қуролли кучларимиз Шимолий Корея томонидан бўлаётган ядро ва ракета таҳдидларини тўхтатиш ва уларга жавоб қайтариш салоҳиятини ривожлантиришда давом этади ва огоҳлантирадики, телбаларча провокация Шимолий Корея режимининг қулашига олиб келади", — дейилган Бирлашган штаблар бошлиқлари қўмитаси баёнотида.
Олдиноқ тарқалган хабарларга кўра, Шимолий Корея томонидан янги синовлар Синпхо аҳоли яшаш пункти туманида Япон денгизи томон амалга оширилган. Ракета 60 километрча масофага учган.
