ТОШКЕНТ, 1 апр — Sputnik. Тошкентдаги йўл камераларида қайд этилган қоидабузарликлар учун жарима тўлови ҳақидаги барча маълумотлар акс этувчи сайт шу ойда ишга тушади, деб маълум қилди пойтахт ИИББ, деб хабар бермоқда "Подробно.уз".
Сайтнинг ишлаш жараёни жуда оддий — автомобиль эгаси махсус катакларга паспорти ҳамда телефон рақамларини киритади ва реал вақт режимида жаримага тортилганми-йўқми аниқлаши мумкин бўлади.
Сайтда кўрсатилган маълумотни тасдиқлатиш учун эса 254-22-16 телефон рақамига қўнғироқ қилиши мумкин.
Келгусида сайтда рўйхатдан ўтган фойдаланувчилар учун жарималар ҳақида махсус SMS-жўнатмалар жорий этиш ва махсус мобил иловани ишга тушириш мўлжалланмоқда.
