ТОШКЕНТ, 30 мар — Sputnik. Бухоро шаҳри ва туманлари ҳокимлари ўринбосарларига хизмат автомашиналари топширилди, деб хабар қилди Бухоро ҳокимлиги матбуот-хизмати.
"Яқинда Бухоро вилоятидаги шаҳар ва туманлар ҳокимларининг ўринбосарларига хизмат автомашиналари топширилишига бағишланган маросимда вилоят ҳокими Ў. Барноев Президентимизнинг ушбу эътибор ва ғамхўрлиги мазкур раҳбарларнинг янада маъсулият билан фаолият юритишларига ундашини таъкидлади", — дейилади хабарда.
Хабарда таъкидланишича, вилоятдаги барча шаҳарлар ва туманлар ҳокимларининг ўринбосарларига янги русумдаги "Нексия" автомашиналари топширилган.
