ТОШКЕНТ, 16 мар — Sputnik. Қамаши, Чироқчи ва Ғузор туманларига янги ҳокимлар тайинланди, деб хабар қилди Қашқадарё нашри.
Маълум қилинишича, вилоят ҳокими Зафар Рўзиев иштирок этган сессияларда ташкилий масалалар кўрилган.
Унга кўра, Дўстмуродов Фахриддин Омонович Қамаши тумани ҳокими этиб, Азимов Рустам Журақобилович Чироқчи тумани ҳокими этиб, Кулматов Фозил Тулаганович Ғузор тумани ҳокими этиб тасдиқланган.
Қамаши туманини бир неча йилдан бери бошқариб келган Махаммадиев Рашид Уракович, Ғузор туманига кўп йиллар раҳбарлик қилган Донаев Шомурод Холбоевич ҳоким вазифаларидан озод этилган.
Нашр шунингдек, Чироқчи тумани ҳокими вазифасида ишлаб келган Комилов Равшан Алимович Миришкор тумани раҳбарлигига ўтганлиги ҳақида аввалроқ хабар берилгани ҳақида эслатиб ўтган.
