ТОШКЕНТ, 15 мар — Sputnik. General Electric (GE) компанияси 2017-2019 йиллларда Ўзбекистонда турли маҳсулотлар ишлаб чиқариш бўйича бир қатор лойиҳалар амалга оширади, деб хабар қилмоқда РИА Новости Ўзбекистон Иқтисодиёт вазирлиги хабарига асосан.
“Иқтисодиёт вазирлиги ва General Electric орасида ўзаро англашув меморандуми имзоланган. Унда умумий қиймати 388 млн $ бўлган саноат ва маиший асбоб-ускуналар ишлаб чиқариш соҳасида 13 та лойиҳа амалга ошириш назарда тутилган”, — дейилган вазирлик вакилининг хабарида.
Ушбу лойиҳалар қаторида Чирчиқда нефт ва газ соҳасида ишлатиладиган юқори босимли насослар, детандер-генераторлар ишлаб чиқариш, Шўртан газ-кимё
Ундан ташқари қуёш панеллари, шамол генераторлари, тиббиёт техникаси, рентген ва ультратовуш аппаратлари, электрокардиграф ва ўпкани сунъий шамоллатиш мосламалари ишлаб чиқариш лойиҳалари ҳам бор.
Эслатиб ўтамиз, март ойининг бошида Ўзбекистон президенти Шавкат Мирзиёев АҚШнинг General Electric компанияси вице-президенти Роналд Жеймс Поллетт билан учрашиб ҳамкорлик муносабатларини муҳокама қилган эди.
