ТОШКЕНТ, 28 — Sputnik, Алексей Богдановский. Оқ уй режасига кўра, АҚШ президенти Дональд Трамп ва Россия раҳбари Владимир Путин ўртасидаги телефон мулоқоти Москва вақти билан 20.00да шанба куни бўлиб ўтиши лозим, деб хабар қилган ОҚ уй матбуот-хизматига таянган ҳолда РИА Новости.
Путин билан мулоқотга қадар Трамп Япония Бош вазири Синдзо Абэ ва Германия канцлери Ангела Меркеллар билан телефонлашади, деб хабар қилган нашр.
Путин билан мулоқот қилиб бўлгач, АҚШ президенти Франция президенти Франсуа Олланд ва Австралия Бош вазири Малькольм Тернбуллар билан музокара ўтказади.
Эслатиб ўтамиз, жума куни Россия президенти матбуот-котиби Дмитрий Песков шанба куни Путин ва Трамп ўртасида телефон мулоқоти бўлиб ўтишини маълум қилган эди.
Трамп шанба куни яна бир нечта фармонларга имзо чекади, ҳужжатларнинг мазмуни ошкор этилмаяпти, дейилган хабарда.
