ТОШКЕНТ, 25 ноя — Sputnik. Тожикистон Ички ишлар вазирлиги "Ислом давлати" террорчилик уюшмаси билан ҳамкорликда гумон қилинаётган 30га яқин фуқаро устидан қидирув эълон қилди, деб хабар қилмоқда Спутник Тожикистон нашри.
Қидирувдаги шахсларнинг рўйхати уларнинг расмлари билан Тожикистон ТИВ расмий сайтида эълон қилинган. Қидирувга берилган шахсларнинг ёши 24 ёшдан 55 ёшгача бўлиб, 29 кишидан 5 нафари аёллардир.
Илгарироқ, Туркия ҳукумати махсус операция давомида шоҳид-террорчи сифатида гумонланаётган икки шахсни қўлга олгани, улар Тожикистон ва Ўзбекистон фуқаролари бўлиб чиққани ҳақида хабар берилган эди. Икки жиноятчи Туркия орқали Сурияга кириб боришни режалаштирган.
Сўнгги маълумотларга кўра, сўнгги йиллар мобайнида Тожикистоннинг 1,4 минг нафардан зиёд фуқароси "ИД" террорчилик уюшмаси сафига қўшилиб кетган.
