ТОШКЕНТ, 25 окт — Sputnik. Ўзбекистонда поймол қилинган ҳуқуқни Суд тизими орқали тиклаши мумкинлигига аҳолининг 71,8 % ишонади, дейилган "Ижтимоий фикр" томонидан ўтказилган сўров натижаларида.
Ушбу сўров республиканинг 12 вилоятида, Қорақалпоғистон автоном республикасида ҳамда Тошкент шаҳрида бўлиб ўтган эди. Сўров давомида 1500 кишининг фикри ўрганилди. Уларнинг 48% эркаклар ва 52% аёллар ташкил қилди. Шаҳар аҳолисининг улуши 36%, қишлоқ аҳолисининг улуши эса — 64% ни ташкил қилди. Сўровда 17 ёшдан 70 ёшгача бўлган аҳоли иштирок этди.
"Ўтказилган изланиш натижасида аҳолининг 71,8% ўзларининг поймол қилинган ҳуқуқларини судга мурожаат қилган ҳолда қайта тиклаш мумкинлигига ишонч билдирди", — дейилган хабарда.
Сўров якунларига кўра, Ўзбекистоннинг 93,8% аҳолиси ўз ҳуқуқлари ишончли ҳимояланган деб ҳисоблайди. Ундан ташқари уларнинг фикрига кўра яқин келажакда суд-ҳуқуқ тизимидаги ислоҳотларда янада кўпроқ ижобий натижаларга эришилади.
Сўралганларнинг 82,5 % қонунга итоат қилувчи фуқаро эканлигини ва қонунларнинг маъносини тушунишларини ва ҳурмат қилишларини тан олишди.
"Фуқароларнинг аксарият қисми — 96,9 % — Ўзбекистонда 2008 йилнинг 1 январидан ўлим жазоси бекор қилинганлигини қўллаб-қувватлашди", — дейилган хабарда.
Бироз олдин, Бош вазир Шавкат Мирзиёев Ўзбекистон Жиноят ва Маъмурий қонунбузарликлар кодексларига ўзгаришлар киритиш ҳақида қарор имзолаган эди. Ҳужжат Ўзбекистон суд-ҳуқуқ тизимининг ривожлантиришга қаратилган 45 тадбирни ўз ичига олган.
Хусусан, 2017 йилнинг 1 апрелидан бошлаб Ўзбекистонда "ҳибсга олиш" жиноий жазоси бекор қилинади.
