Интернетда Тошкент метросининг янги лойиҳаларига оид суратлар пайдо бўлди

© стрингерТошкент метросининг янги лойиҳаларига оид сурат
Тошкент метросининг янги лойиҳаларига оид сурат - Sputnik Ўзбекистон
Oбуна бўлиш
Интернет фойдаланувчилари Тошкент метросининг янги кўриниши борасида ижтимоий тармоқларда қизғин муҳокамалар олиб боришмоқда, ҳатто Тошкент метросининг яқин келажакдаги йўналишлари ҳамда Сирғали туманига борувчи ерусти метро бекатларининг кўринишига оид суратлар намойиш этилмоқда

ТОШКЕНТ, 1 окт — Sputnik. Шу йилнинг сентябрь ойи ўрталарида Ўзбекистон Президенти вазифасини бажарувчи, Бош вазир Шавкат Мирзиёев Тошкент шаҳридаги қурилиш-ободонлаштириш ишлари билан танишиш мақсадида Юнусобод ва Мирзо-Улубек туманларига ташриф буюрган эди.

Тошкент метрополитени - Sputnik Ўзбекистон
Шавкат Мирзиёев Юнусобод метросини қуриб битказишни буюрди
У амалий сафари чоғида Тошкент метросининг Юнусобод йўналишини тўлиқ қуриб битказиш ҳамда Тошкент шаҳрининг Сирғали туманигача ерусти метро йўлини қуриш ишларини тезлаштириш вазифасини юклаганди.

Шу кунларда мазкур мавзу ижтимоий тармоқлардаги ўзбекистонликлар томонидан қизғин муҳокамаларга сабаб бўлмоқда. Уларда, Тошкент метросининг яқин келажакдаги йўналишлари ҳамда Сирғали туманига борувчи ерусти метро бекатларининг кўринишига оид суратлар намойиш этилмоқда.

Хусусан, шундай суратлардан бирида Тошкент метросининг янги лойиҳалаштирилаётган йўналишлари акс этган харитани кўриш мумкин.

Унга кўра, келгусида мавжуд метро йўналишлари сўнгги бекатдан яна камида 2та-3та бекатга узайтирилиши, Беруний бекатидан сўнг узайтирилган Ўзбекистон йўналишининг охирги бекатидан Сирғали тумани томон янги ерусти метро тармоғи қурилиши режалаштирилаётганини кўриш мумкин. Ўзбекистон йўналиши Дўстлик бекатидан кейин Қўйлиқ бозоригача янги метро йўли билан кенгайтирилиши ҳам белгиланган.

Янгиликлар лентаси
0