Ҳофиз Шерали Жўраев катта саҳнага қайтяпти

© SputnikМухлис Шерали Жўраев қўшиғини тингламоқда
Мухлис Шерали Жўраев қўшиғини тингламоқда - Sputnik Ўзбекистон
Oбуна бўлиш
Халқимиз суйган ҳофиз Шерали Жўраевнинг катта саҳнага қайтаётгани ҳақидаги хабар ижтимоий тармоқларни "ёриб" юборди

ТОШКЕНТ, 29 сен — Sputnik. Бу ҳақда биринчи бўлиб шоир Муҳаммад Исмоил ўзининг facebook ижтимоий тармоқ саҳифасида маълум қилган.

Ўзбек эстрадасига назар: замонавий қўшиқлар ҳақида луқмалар
"Кейинги соатларда яхши-яхши хушхабарлар қулоғимга чалиняпти: "Навоий" мукофоти совриндори, Ўзбекистон халқ артисти, санъатимиз Қироли Шерали Жўраев, Ўзбекистон халқ артисти Юлдузхоним Усмонова, Ўзбекистонда хизмат кўрсатган артист, дўстимиз Обиджон Асомовлар яна катта саҳнамизга қайтишаётган эканлар. Илоҳо, эшитганларим рост бўлсин! Санъатимиз осмонида порлаб турган бу юлдузлар жонажон халқимизга хизмат қилишдан, гўзал қўшиқларни армуғон этишдан ҳеч қачон толмасинлар, минг йиллик ўзбек санъати довруғини яна бутун оламга ёяверсинлар! Биз сизларни севамиз, биз сизларни соғинганмиз, биз сизларни интизор кутмоқдамиз", — деб ёзган Муҳаммад Исмоил.

Бу хушхабардан сўнг 1993 йилдан бери катта саҳналарда умуман кўриниш бермаган ҳофиз уйида ҳақиқий байрам бошланди, ҳофиз тез орада концерт беришга тайёргарлик кўраётганмиш", деб айтди исми сир тутилишини хоҳлаган манба.

Бу гап қанчалик ҳақиқатга яқинлигини билиш мақсадида "Ўзбекнаво" эстрада бирлашмасига қўнғироқ қилдик.

"Сиз юқорида санаб ўтган барча санъаткорларнинг, шу жумладан Шерали Жўраев ҳам олдиндан лицензияга эга. "Ўзбекнаво" ҳеч қачон "запрет" қўймайди. Концерт-томоша фаолиятини юритиш учун эса, Вазирлар Маҳкамасининг 354-сон қарори чиққан, шу қарорга асосан ҳар бир концерт ташкилотчиси концерт ташкиллатириш учун бизга ариза билан расман мурожаат қилади. Юқоридаги санъаткорларнинг ҳеч бири шу пайтгача концерт ўтказиш истаги билан бирлашмага мурожаат қилмаган", — деб хабар қилди Спутник нашрига бирлашма вакили.

Янгиликлар лентаси
0