ТОШКЕНТ, 9 сен — Sputnik. 2016-йилнинг 9-сентябр куни Ўзбекистон Республикаси Ташқи ишлар вазири Абдулазиз Камилов мамлакатимизга ташриф буюрган Ислом ҳамкорлик ташкилоти Бош котиби Ияд бин Амин Маданини қабул қилди, деб хабар қилмоқда Ўзбекистон ТИВ матбуот-хизмати.
Суҳбат чоғида Тошкент шаҳрида Ўзбекистон раислигида бўлиб ўтадиган ИҲТга аъзо давлатлар Ташқи ишлар вазирлари кенгашининг 43-сессиясига тайёргарлик кўришнинг амалий масалалари муҳокама қилинди", — дейилади хабар матнида.
Хабарда айтилишича, ТИВК мажлисини муваффақиятли ўтказилишидан икки томон ҳам бирдек манфаатдор экани таъкидланган. Учрашувда Ўзбекистон томонидан таклиф қилинган "Таълим ва маърифат – тинчлик ва бунёдкорлик сари йўл" деб номланган раислик шиорининг долзарблиги ва аҳамиятлилиги сабабли 43-сессия ва унинг якунлари ИҲТ тарихида қолиши таъкидланган.
