Германияга кириб бораётган 80% қочқинлар шахсни тасдиқловчи ҳужжатга эга эмас

ТОШКЕНТ, 11 авг — Sputnik. Bild нашри пайшанба куни эълон қилган хабарга кўра, Германияга кириб келган қочқинларнинг 80% шахсни тасдиқловчи ҳужжатга эга эмас. РИА Новости хабари асосида.

Нашрга кўра, қочқинлар ўз ҳужжатларини атай яшириб, миграция хизматида эса уларни йўқотиб қўйганликлари ҳақида маълум қилишмоқда. Қочоқларнинг каттагина қисми эса ўзларини Сурия фуқароси сифатида кўрсатмоқда, негаки шу тариқа Германияда яшаш ҳуқуқини қўлга киритиш имконияти юқори.2015 йилда Суриядан кириб келган қочоқларнинг 96% Германияда қабул қилинган эди.

Бундан ташқари, кўплаб бошпана изловчилар ўз ёшини атай кичрайтириб айтмоқда — негаки, миграция хизмати шахсни "балоғат ёшига етмаган, кузатувчисиз келган", деб топган тақдирда қочқинга ижтимоий суғурта жамғармасидан ойига 80дан то 180 евро миқдорида тўлов тўлаб борилиши лозим, деб хабар қилмоқда Bild.

2015 йилда Германия бир миллиондан ортиқ қочқинларни қабул қилди. Сурия ва Афғонистондан кириб келган қочқинлар томонидан Баварияда июль ойида амалга оширилган қатор терактлардан сўнг, Германия ИИВ мамлакат хавфсизлигини ошириш чора-тадбирлари мажмуини ишлаб чиқди. Янги ташаббус тақдимоти пайшанба куни Берлинда бўлиб ўтади.