ТОШКЕНТ, 4 авг — Sputnik. АҚШ Мудофаа вазирлиги Шимолий Корея ва Хитойни "жиловлаб туриш" мақсадида, Тинч океани ҳудудига ўз бомбардимончи-самолётларини юбормоқда, деб хабар қилмоқда РИА Новости.
Қирувчи-самолётлар шанба куни Мариан ороллари архипелаги таркибига кирувчи Гуам оролидаги Америка ҳарбий базасига учиб келади. Улар В-52 бомбардимончилари ўрнини босиши айтилмоқда.
Ҳарбий самолётларга хизмат кўрсатишлари учун Америка ўз базасига, шунингдек, 300га яқин ҳарбийларни ҳам йўллаши айтилмоқда.
"Америка биринчи маротаба бундай йўл тутаётгани йўқ, аммо ўн йил ичида биринчи марта бу сингари ҳолат юз берди", — дейилган қўмондонлик хабарида.
Шимолий Корея томонидан тез-тез баллистик ракеталар синови ўтказилаётгани сабаб, АҚШ Тинч океани ҳудудида B-1 бомбардимончи-самолётларини жойлаштирмоқда.
Пхеньян томонидан энг сўнгги бор ўтказилган синови айниқса Вашингтоннинг тоқатини-тоқ қилган эди.
