ТОШКЕНТ, 18 июл — Sputnik. Қозоғистон Республикаси Антитеррор маркази Олма-Ота шаҳрида ўтказилган аксилтеррор операцияси ўз поёнига етгани ҳақида хабар берди. Бу ҳақда РИА Новости хабар берган.
Душанба куни Қозоғистоннинг Олмалин тумани ИИБ биноси ҳамда МХХ департаменти биносига номаълум шахслар томонидан уюштирилган ҳужум туфайли мамлакатда террорчиликнинг ўта хавфли — "қизил" даражаси эълон қилинган эди. Шаҳар ўраб олинди ва у ерда кун давомида аксилтеррор операцияси ўтказилди. Маълумотларга кўра, ушбу жиноятда гумон қилинаётган икки шахс ҳибсга олинган.
Қозоғистон президенти Нурсултон Назарбоев Олма-Отада рўй берган отишмани террорчилик акти, деб баҳолади.
Террорчиларга қарши ўтказилган операция якунлангани муносабати билан Олма-Отадаги террорчилик хавфининг "қизил" даражаси мўътадил(сариқ)га ўзгартирилди, дейилади қозоғистон Хавфсизлик қўмитаси расмий хабарида.
