ТОШКЕНТ, 18 июл — Sputnik. Россия президенти матбуот-котиби Туркия, Арманистон ва Қозоғистонда шу кунларда рўй берган ҳодисаларга изоҳ берар экан, Россия чегарасида юзага келган "гирдобли ҳаракат"лардан Москва ҳавотир олмоқда, дея таъкидлади. РИА Новости хабари асосида.
Россия президенти матбуот-котиби Дмитрий Песков бу ҳодисаларни бир хил таснифлаш мумкин эмаслигини таъкидлади.
Битта ҳолатда гап ҳукуматни куч ёрдамида эгаллаб олиш ҳақида гап бораётган бўлса, иккинчи ва учинчи ҳолатга жиноятчиликнинг турлича кўриниши сифатида қараш мумкин", — деди у.
Дмитрий Песков чегаралардаги аҳвол кузатиб борилаётгани ва шунга яраша хавфсизлик чоралари кўрилаётгани ҳақида қўшимча қилди.
"Шубҳасиз, бизнинг чегараларимиз яқинида бундай "турбулентлик" ҳолатлари юз бериши ҳавотир уйғотмай қўймайди. Шу боис, воқеалар ривожини диққат билан кузатиб, уларни таҳлил қилиб боришга мажбурмиз", — деди Песков ва ҳар бир янги хабардан сўнг шунга яраша чора-тадбирлар кўрилаётгани ҳақида гапирди.
Кремл вакили, шунингдек, Москва ўз қўшниларини стабил, гуллаб-яшнаётган давлатлар сифатида кўришни хоҳлашини алоҳида таъкидлаб ўтди.
