ТОШКЕНТ, 28 май — Sputnik. Туркия Бош вазирининг ўринбосари Нўмон Қуртулмуш европалик сиёсатчиларнинг Туркия 3000-йилга келиб ЕИга аъзо бўлиши мумкинлиги ҳақидаги фикрини шармандали, деб топди. РИА Новости хабари асосида.
Туркиянинг 3000-йилга келиб ЕИга аъзо бўлиши ҳақида ўтган ҳафтада Буюк Британия Бош вазири Дэвид Кэмерон айтган эди.
"Агар кимдир Туркиянинг ЕИга аъзо бўлиши муддати 3000-йилгача чўзилади, деб таъкидласа, унда бу Туркия учун эмас, балки, шундай фикрни билдирганлар учун шармандалик ҳисобланади. Улар ЕИни 30 йилдан кейин нима кутаётганини билишармикин? Биз виза тартибини осонлаштириш бўйича олган кўрсатмаларни бажариш ҳаракатидамиз. Шу билан бирга, Туркия ЕИга тобеъ эмаслигини айтиб ўтмоқчиман", — деди Қуртулмуш Туркияда парламентда нутқ сўзлар экан.
