ТОШКЕНТ, 23 май — Sputnik. Туркия Европа Иттифоқига 3000 йилгача қўшила олмайди, деб таъкидлади Буюк Британия Бош вазири Дэвид Кэмерон.
"Туркия Европа Иттифоқига яқин орада қўшилиши ҳақида ҳатто тахмин қилишнинг ҳам иложи йўқ", — деган Кэмерон. Унинг сўзларидан РИА Новости Британия ОАВларига асосланган ҳолда иқтибос келтиради.
"Улар ЕИга қўшилиш учун 1987 йилда ариза ташлашган. Жараённинг бугунги кундаги ривожланиши даражасини инобатга оладиган бўлсак, сўнгги прогнозларга мувофиқ, улар ЕИга тахминан 3000 йилда қўшилишлари мумкин", — деди Кэмерон.
