ТОШКЕНТ, 23 фев — Sputnik. Ёпиқ турда ўтказилган бир неча босқич музокаралардан сўнг, АҚШ ва Россия расмийлари 2016-йил 27-феврал, Дамашқ вақти билан 00:00дан бошлаб, Сурияда жанговор ҳаракатларни тўхтатиш ҳақида келишиб олдилар.
Аммо, Россия раҳбари Владимир Путиннинг таъкидига кўра, БМТ “қора рўйҳати”га киритилган “Ислом Давлати”, “Жабҳат ан-Нустра” ва шу сингари бошқа террорчилик уюшмалари объетларига қарши авиазарбалар берилиши давом этади.
Путиннинг сўзларига қараганда, Россия ва АҚШ ҳарбийлари Сурияда таъқиб остига олинмайдиган уюшмалар борасида ҳамжиҳатликда келишиб оладилар.
"Россия ва Америка ҳарбийлари ана шундай уюшмалар мавжуд ҳудудларни харитада биргаликда белгилаб олишади. Бундай гуруҳларга қарши САР ҳарбий кучлари, Россия Қуролли Кучлари ҳамда АҚШ бошчилигидаги коалиция ҳарбий операцияларни амалга оширмайди. Муҳолифатчилар, ўз навбатида, САР ва уларни қўллаб-қувватловчи гуруҳларга қарши жанговор ҳаракатларни тўхтатадилар", — деди у.
Россия Давлат департаментида, яқин кунларда, Сурияда ўт очишни тўхтатиш борасида мониторинг механизми яратилиши таъкидланмоқда.
