Президент спорт соҳасида янги ташаббусларни илгари сурди: тафсилотлар

маҳаллаларда оммавий спорт натижаси энди фақат қамров билан эмас, аҳоли саломатлиги кўрсаткичлари билан ҳам баҳоланади;

ҳар бир вилоятда биттадан туманда “саломатлик баланси” жорий этилади;

спорт билан фаол шуғулланувчилар орасидан “соғлом ҳаёт волонтёрлари” корпуси шакллантирилади;

энг намунали 10 та маҳаллага бепул спорт формаси ва анжомлари берилади;

1 майгача барча мактаб ва техникумларда кросс-фит тўгараклари ташкил қилинади;

келгуси йилдан кросс-фит “Беш ташаббус” тизимига киритилади;

спорт қамрови ва саломатлик кўрсаткичлари яхшиланган маҳаллада волонтёр ва маҳалла раиси 15 миллион сўмгача мукофотланади;

бундай маҳалладаги масъул тренерга 200 фоизгача ойлик устама тўланади;

вазирлик, идора, банк ва ҳокимликларда ҳафтада бир кун спорт куни ўтказилади;

йилiga камида 2 марта 4 та спорт тури бўйича мусобақалар ташкил қилинади;

жорий йилдан вазирликлар, тармоқлар, банклар ва ҳокимликлар ўртасида республика биринчиликлари ўтказилади;

тадбиркорлар спорт зали ва майдончаси учун қилган харажатларини фойда солиғи базасидан чегиради;

жалб қилинган тренерлар учун даромад солиғи ва ижтимоий солиқ 1 фоиз бўлади;

“маҳалла – мактаб – спорт муассасаси – федерация” занжири асосида янги тизим жорий қилинади;

9 мингта маҳалла 26 та федерация раҳбарларига бириктирилади;

спорт олийгоҳлари талабалари дуал таълим асосида мактаб тўгаракларида мураббийлик қилади;

спорт тўгаракларидаги тушумнинг 50 фоизи мураббий талабага берилади;

битирувчиларга диплом билан бирга ҳакамлик сертификати ҳам топширилади.

мутасаддиларга сунъий интеллект ёрдамида спортчи ва мураббийлар натижасини таҳлил қиладиган, машғулот режасини тузадиган платформа яратиш топширилди;

спортдаги илмий ишлар фақат долзарб муаммолар ечимига қаратилган бўлиши шартлиги таъкидланди;

олимнинг илмий иши амалий натижа берса, унга 100 миллион сўмдан мукофот берилади;

жорий йилдан Президент олимпиадаси доирасидаги спорт турлари сони 2 баробар оширилиб, 21 тага етказилади;

Президент олимпиадаси энди параспорт йўналишида ҳам ўтказилади;
ҳар бир туман ва вилоят ҳокими ўз ҳудудида Ҳоким олимпиадасини ташкил қилади;

Ҳоким олимпиадаси ғолиблари Президент олимпиадасига йўлланма олади;
Олимпия қўмитасининг ҳудудий бўлими директорлари бир вақтнинг ўзида вилоят ҳокимларига спорт бўйича маслаҳатчи бўлади;

пойтахтдаги 7 та олий спорт маҳорати мактаби тугатилиб, улар ўрнида Олимпия шаҳарчасида “Олимпия терма жамоалари маркази” ташкил этилади;

ҳудудлардаги 56 та ихтисослашган спорт мактаби ҳам ушбу марказ бошқарувига ўтказилади.

адаптив спорт турлари бўйича кадр тайёрлаш ва малака ошириш тизими қайта кўриб чиқилади;

Герцен номидаги Россия давлат педагогика университетининг Тошкент филиали инклюзив спорт бўйича таянч олийгоҳга айланади;

энди ўқув-йиғинлар, республика ва халқаро мусобақаларда параспортчига ҳамроҳлик қилган шахсларнинг транспорт ва яшаш харажатлари қоплаб берилади;

уларга ҳар ой спорт мактаблари тренерлари ойлигига тенг миқдорда маош тўланади.