Эслатиб ўтамиз, февраль ойида Мирзиёева кенгашнинг биринчи йиғилиши Тошкентда ўтказилиши ҳақида хабар берган эди. Ноябрь ойида Ўзбекистон президенти Шавкат Мирзиёев Америка-Ўзбекистон ишбилармонлар ва сармоядорлар кенгашини ташкил этиш тўғрисидаги фармонни имзолаган эди. Кенгаш икки мамлакат компания ва идораларининг стратегик бизнес ташаббуслари, йирик инвестиция ва савдо лойиҳаларини ишлаб чиқиш ва келишишни мувофиқлаштиради ҳамда уларнинг амалга оширилишини доимий мониторинг қилиб боради.
Шунингдек, кенгаш доирасида Ўзбекистонга қўшимча Америка инвестицияларини жалб қилиш, шунингдек, энг муҳим инфратузилмавий ва стратегик лойиҳаларни молиялаштириш ва хатарларни тақсимлаш учун йирик халқаро молия институтларини (ЕТТБ, ХМК, ОТБ) жалб қилиш мақсадида махсус инвестиция фонди ташкил этилади.