ТОШКЕНТ, 2 апр — Sputnik. Ўзбекистон инвестициялар, саноат ва савдо вазири Лазиз Кудратов Хитой ва вазир ўринбосарлари Корея ҳамда Туркия компаниялари раҳбарияти билан учрашувлар ўтказиб, энергетика, саноат, тиббиёт, инфратузилма ва рақамли алоқа соҳаларидаги ҳамкорлик масалаларини муҳокама қилди.
Кудратов Хитой Давлат кенгаши ҳузуридаги Тараққиёт тадқиқотлари маркази директори Лу Хао билан учрашди. Музокараларда яшил энергетика, саноат, сувни тежаш ва бошқа устувор йўналишларда амалий ҳамкорлик истиқболлари кўриб чиқилди. Шунингдек, 2025 йилда Ўзбекистон ва Хитой ўртасидаги товар айирбошланиши 17,8 миллиард долларга етгани қайд этилди.
Кудратов и заместители министра встретились с представителями Китая, Кореи и Турции
© Министерство инвестиций, промышленности и торговли
Вазир ўринбосари Илзат Касимов бошчилигидаги делегациянинг Жанубий Кореяга ташрифи доирасида 30 та етакчи компания вакиллари билан давра суҳбати ўтказилди.
Корея Экспорт-импорт банки билан тез тиббий ёрдам тизимини модернизация қилиш ва тиббий инфратузилмани янгилаш масалалари муҳокама қилинди. "DK Consultants" билан замонавий тиббий хизматларни жорий этиш бўйича келишувларга эришилди. "Daewoo E&C" компанияси билан шаҳарсозлик ва йирик инфратузилма объектларини барпо этишга доир стратегик ташаббуслар муҳокама қилинди.
Кудратов и заместители министра встретились с представителями Китая, Кореи и Турции
© Министерство инвестиций, промышленности и торговли
Вазир ўринбосари Акрам Алиев эса Туркиянинг "Türksat A.Ş." компанияси вакили билан учрашиб, телекоммуникациялар, сунъий йўлдош алоқаси ва рақамли инфратузилма соҳаларида ҳамкорлик истиқболларини муҳокама қилди. Ўзбекистон томони турк компаниясининг ташаббусларини қўллаб-қувватлашга тайёрлигини билдирди.