ТОШКЕНТ, 31 мар — Sputnik. Ўзбекистон терма жамоаси Филиппинда ўтган велоспортнинг трек ва пара велоспортнинг трек йўналиши бўйича Осиё чемпионатида умумжамоа ҳисобида биринчи ўринни эгаллади. Бу ҳақда Велосипед спорти федерацияси матбуот хизмати хабар берди.
25-31 март кунлари бўлиб ўтган мусобақада Ўзбекистон спортчилари ёшлар ва катталар ўртасида жами 24 та олтин, 11 та кумуш ва 9 та бронза, умумий ҳисобда 44 та медални қўлга киритди.
Сборная Узбекистана заняла первое место в общем командном зачете на чемпионате Азии.
© Федерация велосипедного спорта Узбекистана
Уларнинг 21 та олтини, 10 та кумуши ва 5 та бронзаси пара спортчилар ҳиссасига тўғри келди.
Бу натижа Ўзбекистон учун тарихий бўлди: терма жамоа Осиё чемпионатида илк бор жамоавий дастурда шоҳсупага кўтарилди ва биринчи марта 24 та олтин медалга эришди.
Сборная Узбекистана заняла первое место в общем командном зачете на чемпионате Азии.
© Федерация велосипедного спорта Узбекистана
Мусобақада қитъанинг 20 та давлати спортчилари иштирок этди. Ўзбекистон жамоаси чемпионатда Ольга Забелинская, Ёхан Дорнбуш, Дилмурод Сиддиқов ва Рината Бойметовалар бошчилигида қатнашди.