“Президентимизнинг яқинда бўлиб ўтган ҳузурларидаги тақдимотда айнан Ўзбекистоннинг биринчи илмий сунъий йўлдошини фазога учириш бўйича тақдимотлар ўтказилди. У бўйича ҳозир “Ўзбеккосмос” агентлиги етти нафар талабани магистратурада таҳсил олиши учун Япониянинг Кюшу технология университетига юборган”, - дейди “Ўзбеккосмос” матбуот котиби Акмал Назаров.
“Сунъий йўлдошимиз CubeSat турига мансуб, яъни бу кичик ҳажмдаги сунъий йўлдош. У асосан Ерни масофадан зондлаш учун ишлатилади. Ҳозирда биз бу лойиҳа устида фаолият олиб бормоқдамиз. Менинг вазифам сунъий йўлдошнинг ташқи ва ички қисмини моделлаштириш. Сунъий йўлдошнинг чидамлилигини аниқлаш жуда ҳам муҳим. Биз уни биринчи бўлиб Ерда синовдан ўтказамиз. Маълумотлар тасдиқлангандан кейин биз уни ҳавога жўнатамиз”, - дейди Японияда таҳсил олаётган талаба Ҳабибуллоҳ Азимжонов.
"Яъни ким космонавт бўлади, у аёл кишими, эркак кишими ёки ёшроқ йигитми, ана шулар бўйича очиқ танлов эълон қилинади. Очиқ танловда ҳар бир номзоднинг соғлиғи, ҳар бир органининг соғломлиги текширилади. Кейин руҳий босимларга чидамлилиги текширилади. Ҳамма жараёнларни ўтгандан кейин космик станцияларда синов жараёнларидан ўтади. Улар ҳар хил турли, кучли аттракционга ўхшаган нарсаларда синовдан ўтади. Синовлардан ўтган номзод охирида космосга учиш имкониятига эга бўлади”, - дейди у.