Масжидларга ўт қўйиш ва тинч аҳоли ўлдириш бу норозилик эмас — Эрон президенти

ТОШКЕНТ, 11 янв — Sputnik. Эрон президенти Масуд Пезешкиён аҳолига иқтисодий муаммоларни ҳар қандай йўл билан ҳал қилишга ваъда берди.

"Биз муаммоларни ҳар қандай йўл билан ҳал қилишга тайёрмиз. Аҳоли ташвишларини ҳал қилиш бизнинг бурчимиз, аммо бизнинг энг катта бурчимиз тартибсизликчиларнинг жамиятни вайрон қилишига йўл қўймасликдир", - деди президент телевидениеда.

Пезешкиённинг сўзларига кўра, 2025 йил июнь ойида Эрон, Исроил ва Қўшма Штатлар ўртасидаги можародан бери "душманлар" Эронда тартибсизликларни ҳам ичкаридан, ҳам ташқаридан авж олдиришга уринмоқдалар.

"Исёнчилар бозорлар ва масжидларга ўт қўйиб, тинч аҳолини ўлдирмоқда. Бу норозиликми? Бу ўз овозини эшиттиришнинг қандай услуби? Буни ишни қилганлар бу мамлакатнинг бир қисми эмас. Эрон халқи уларни қабул қилмайди", - деб таъкидлади у.

Пезешкиённинг сўзларига кўра, сўнгги кунлардаги воқеалар афсусланарли. "Бизнинг мамлакатимизга ҳужум қилганлар (АҚШ ва Исроил) энди исёнчиларга нима қилиш кераклиги ҳақида кўрсатмалар бермоқда", - деди Эрон президенти.

Президент аҳолини кўчага чиқишга даъват қилди

"Биз Эрон халқини қарор қабул қилиш учун кўчаларга чиқишга ва тартибсизликлар уларнинг талабларини бузиб кўрсатишига йўл қўймасликка чақирамиз", деди президент.

Шунингдк, Пезешкиён тинч аҳолининг ўлими муносабати билан ҳамдардлик билдирди ва ёшларни терроризм ва тартибсизликларда иштирок этишдан огоҳлантирди.

"Биз тинч норозилик намойишларини расман тан оламиз ва намойишчилар билан мулоқотни ўз бурчимиз деб биламиз. Биз мамлакат ичидаги барча норозилик билдирувчи партиялар билан учрашишга тайёрмиз", дея қўшимча қилди у.

Эронда норозилик намойишлари

2025 йил декабрь ойи охирида риалининг қадрсизланиши туфайли бошланган норозилик намойишларида, кейинчалик сиёсий тизимга қарши тартибсизликларга айланиб кетди.

8 январь куни Теҳрон ва бошқа шаҳарларда намойишчилар тез ёрдам машиналари ва шаҳар автобуслари, метро бекатлари, масжидлар, банклар ва дўконларни вайрон қилди. 100дан ортиқ полизия ходими қурбон бўлди.

Эрон раҳбарияти ушбу воқеаларнинг сиёсий томонга бурилишида Исроил ва АҚШни айблади.

Расмий манбааларга кўра, тартибсизликлар қурбонлари сони 500дан ошган, уларнинг аниқ сони тергов тугаганидан сўнг эълон қилинади.

Тартибсизликлар уюштиришда айбланиб уч минг киши қўлга олинган, уларнинг турар жойларидан қурол-аслаҳа топилган.