ТОШКЕНТ, 18 дек – Sputnik. Қозоғистонда ЛГБТ* тарғиботини чеклашга қаратилган қонун лойиҳаси Сенат томонидан биринчи ўқишда қабул қилинди. Бу ҳақда Sputnik Қозоғистон хабар берди.
Қозоғистон Адлия вазирлигининг таъкидлашича, халқаро ҳуқуқ нормалари давлатларга миллий хавфсизлик манфаатларидан келиб чиққан ҳолда фикр билдириш эркинлигини чеклаш имконини беради.
Шу билан бирга, Қозоғистон ҳукумати ушбу ҳаракатни тўлиқ тақиқлашни режалаштираётгани йўқ. Мамлакат маданият ва ахборот вазири ўринбосари Евгений Кочетовнинг таъкидлашича, гап болаларни бундай контентдан ҳимоя қилиш ҳақида бормоқда.
Унинг сўзларига кўра, қонун қабул қилинган тақдирда, ушбу мавзудаги контент фильмлар ва бошқа медиа маҳсулотларда "18+" белгиси билан чекланади.
"Ушбу тузатишлар кучга киргач, ушбу контент 18+ билан белгиланади. Яъни бундай саҳналар сақланадиган жойда у 18 ёшдан катталар билан чекланади", — деди Кочетов.
Вазир ўринбосари, шунингдек, ижтимоий тармоқлардаги баҳсли мазмундаги материаллар ноқонуний контент мавжудлиги бўйича экспертизадан ўтказилишини билдирди.
"Гап фақат жамоатчилик томонидан ижобий баҳоланган бу мафкурани фарзандларимизга сингдиришни тақиқлаш ҳақида кетмоқда", — деди у.
Таъкидлаш жоизки, бундай тақиқ Россияда ҳам жорий қилинган бўлиб, у ерда ЛГБТ* ҳаракати экстремистик деб эълон қилинган.
* Эслатиб ўтамиз, ЛГБТ ҳаракати Россияда экстремистик деб топилган ва тақиқланган.