ТОШКЕНТ, 3 дек — Sputnik. Ўзбекистон президенти ўз қарори билан қурилиш материаллари ишлаб чиқариш ҳажмини 62 триллион сўмга, экспортни эса 1,5 миллиард долларга етказиш вазифаси белгилади.
Ҳужжат қурилиш саноатини ривожлантириш, экологик тоза ва энергосамарадор материаллар ишлаб чиқаришни кенгайтиришни назарда тутади.
Қарорга мувофиқ, Чегара қўшинлари Ўзбекистонда рўйхатдан ўтган ишлаб чиқарувчиларнинг Афғонистонга “Термиз” чегара пункти орқали хавфсиз кириб-чиқишини таъминлайди.
2026 йил 1 июлдан лойиҳа-смета ҳужжатлари экспертизасида қурилиш материалларининг камида 25 фоизи экологик тоза ва ресурстежамкор маҳсулотлардан иборат бўлиши шартлиги текширилади.
2026 йил 1 январдан:
ёш олимлар учун хорижий илмий стажировкалар танлови ўтказилади;
2026–2028 йиллар учун 30 миллиард сўмлик илмий лойиҳалар танлови эълон қилинади.
2026 йил 1 мартдан:
“Техник тартибга солиш” ва “Шаффоф қурилиш” тизимлари интеграция қилиниб, хавфсизлиги номувофиқ деб топилган ишлаб чиқарувчилар электрон реестри шакллантирилади;
хавфли деб топилган материалларни ишлаб чиқарган корхоналар давлат харидларида қатнашиши тақиқланади.
Чиқиндилар билан ишлаш тартиби
2026 йил 1 февралдан:
муомаладан чиқариш ҳақида кўрсатма берилган қурилиш материаллари махсус қайта ишлаш корхоналарига ёки полигонларга юборилиши шарт;
назорат органлари берган кўрсатмалар Экология қўмитаси Ситуацион марказига интеграция қилинади.
2026 йил 1 июндан:
чиқиндиларни қайта ишлаш мажбурий талаблари лойиҳаларда қурилиш чиқиндилари ҳажми ва тўплаш жойлари аниқ белгилаб қўйилиши керак;
объектларда чангланиш ва ҳид чиқишига йўл қўймаслик учун буюртмачи томонидан махсус чоралар кўрилади.