Ислом цивилизацияси маркази: асрлар бўйлаб саёҳат

19:51, 23 Ноябр 2025
Тошкентда барпо этилаётган Ислом цивилизацияси маркази — Ўзбекистон тарихида илгари мисли кўрилмаган илмий-маърифий мажмуа. Бу ерда минг йиллик маърифат мероси, замонавий технологиялар ва Ренессанс руҳи уйғунлашиб, мамлакатнинг янги интеллектуал қиёфасини намоён этмоқда
Sputnik
ТОШКЕНТ, 23 ноя — Sputnik, Баҳром Ҳатамов. Тошкент шаҳрида барпо этилаётган Ислом цивилизацияси маркази Ўзбекистоннинг маънавий тарихида янги босқични бошлаб берувчи, илгари бўлмаган улкан ва инновацион лойиҳа сифатида эътироф этилмоқда. Лойиҳа 2017 йилда президент Шавкат Мирзиёев ташаббуси билан йўлга қўйилиб, 2018 йил Рамазон ҳайитида унинг пойдеворига тамал тоши қўйилган.
Марказ лойиҳасига юзлаб маҳаллий ва хорижий олимлар, экспертлар, жамоат арбоблари жалб этилган. Қорасарой кўчасида замонавий технологиялар ва ўрта аср Самарқанд–Ҳирот меъморчилиги уйғунлигида барпо этилаётган бино 10 гектар майдонни эгаллайди. 65 метрли маҳобатли гумбаз, 34 метрли пештоқлар ва ўта нозик нақшлар марказга ўзига хос салобат бағишлайди.
1 / 24

Ислом цивилизацияси маркази (Тошкент)

© Sputnik / Бахром Хатамов
2 / 24

Тарих мозаикаси: Марказий Осиёнинг буюк арбобларига бағишланган зал

© Sputnik / Бахром Хатамов
3 / 24

Қуръон оятлари ёзилган хирқа.
Ҳиндистон, Бобурийлар даври, XVI аср боши
Пахта, сиёҳ
65×94cм

© Sputnik / Бахром Хатамов
4 / 24

Мармар фаввора. Марказий Осиё, XIV-XV асрлар

© Sputnik / Бахром Хатамов
5 / 24

Тарихий асарлар билан ўралган ва анъанавий шарқона кошинлар билан безатилган бой безатилган маросим ёки тўй либоси билан жиҳозланган кўргазма хонаси

© Sputnik / Бахром Хатамов
6 / 24

Шарқ шахмати: Ўзбекистон цивилизацияси музейидан ажойиб кўргазма

© Sputnik / Бахром Хатамов
7 / 24

Марказий Осиёнинг XVI-XIX-асрлардаги маданий мероси ва декоратив-амалий санъатини намойиш этувчи кутубхона/яшаш хонаси тарзидаги ички зал.

© Sputnik / Бахром Хатамов
8 / 24

Уч оёқли қозон Ғазнавийлар даври, XI-XII асрлар 50 х 56.5 см

© Sputnik / Бахром Хатамов
9 / 24

Тарихий артефактлар: Махмал, орқасида Мақоми Иброҳим

© Sputnik / Бахром Хатамов
10 / 24

Амир Темур Улуғ тоғ битиги XIV аср

© Sputnik / Бахром Хатамов
11 / 24

Катта ҳажмдаги шарқона миниатюраларга эга стенд

© Sputnik / Бахром Хатамов
12 / 24

Қадимги усталар санъати: музей коллекциясидан бронза ва сопол кўзалар

© Sputnik / Бахром Хатамов
13 / 24

Aрхитектура улуғворлиги: Фасад ўзбек мовий маёликаси ва хаттотлиги билан безатилган

© Sputnik / Бахром Хатамов
14 / 24

Салжуқийларнинг ҳукмдорлик рамзи
Марказий Осиё, ХII аср
Икки бошли бургут тасвири туширилган металл
32.8х17.4см

© Sputnik / Бахром Хатамов
15 / 24

Ипак йўли артефактлари: қадимий шиша идишлар

© Sputnik / Бахром Хатамов
16 / 24

Қўлёзмалар ва артефактлар: Тошкентдаги Ислом цивилизацияси марказидаги кўргазма

© Sputnik / Бахром Хатамов
17 / 24

Салжуқийларга оид заргарлик буюмлари тўплами
IX-XIII асрлар
Энг узун занжир: 28.1см

© Sputnik / Бахром Хатамов
18 / 24

Муқарнас санъати: Тошкентдаги Ислом цивилизацияси маркази портали

© Sputnik / Бахром Хатамов
19 / 24

Шарқ санъати: Ислом цивилизацияси марказида миниатюралар, декоратив кулолчилик ва металл буюмлар

© Sputnik / Бахром Хатамов
20 / 24

Мағоки Аттори масжидини макети, Бухоро, ІХ-Х асрлар. 119.5 x 87 CM

© Sputnik / Бахром Хатамов
21 / 24

Aрхеология ва интерактив: Илк ўрта асрлар кўргазмаси (VIII-аср)

© Sputnik / Бахром Хатамов
22 / 24

Ҳалқа-кўкрак тумори.
Тахминан 1870 йил, Қорақалпоғистон, Ўзбекистон
Кумуш, зарҳал, маржон, ақиқ, қолиб, филигран
23х18,5см

© Sputnik / Бахром Хатамов
23 / 24

Чойдиш. Бухоро, XIX аср. Мис, кандакорлик

© Sputnik / Бахром Хатамов
24 / 24

Ислом цивилизацияси марказининг Бухоро портали

© Sputnik / Бахром Хатамов
Марказ таркибида илмий-тадқиқот бўлимлари, нодир қўлёзмалар фонди, миллиондан зиёд адабиётни ўз ичига олувчи кутубхона, рақамлаштириш лабораториялари, реставрация устахоналари, халқаро марказлар ва зиёрат туризми бўлимлари жой олади. Биринчи қаватдаги 15 минг квадрат метрли кўргазма галереяси замонавий мультимедиа воситалари орқали аждодлар меросини янги форматда намойиш этади.
Экспозициялар "Исломдан аввалги цивилизациялар", "Биринчи ва Иккинчи Ренессанс", "Янги Ўзбекистон — Учинчи Ренессанс пойдевори", "Қуръони карим" каби мавзуларни қамраб олади. Хоразмий, Фарғоний, Беруний, Ибн Сино, Мирзо Улуғбек, Навоий, Бобур каби алломалар, шунингдек, Бибихоним, Нодирабегим, Увайсийдек маърифат ҳомийларининг бебаҳо ҳиссаси махсус экспозициялар орқали ёритилади.
"Ислом цивилизацияси маркази — бу ўтмишдан нафақат ғурур, балки келажакка йўл очаётган миллий маърифат мажмуаси".
Қуръони карим залида эса мусулмон оламининг энг қимматли меросларидан бири — Усмон Мусҳафи намойиш этилади. Шу билан бирга турли сулолалар даврида яратилган қўлёзма Қуръонлар ва уларнинг таржималари ҳам тақдим этилади.
"Вақт капсуласи" ва "Вақт девори" каби интерактив лойиҳалар ташриф буюрувчиларни асрлар оша саёҳатга етаклайди. Марказ ЮНЕСКО ва АЙСЕСКО каби нуфузли ташкилотлар билан ҳамкорлик қилаётгани унинг халқаро илмий майдондаги ўрнини янада мустаҳкамламоқда.
800 тадан ортиқ илмий лойиҳалар устида 50 тадан зиёд мамлакатдан келган 600 нафардан ортиқ мутахассис иш олиб борaётган марказ Янгиланган Ўзбекистоннинг маърифат стратегиида муҳим устунга айланмоқда.
МаданиятИслом цивилизацияси марказитарихэкспонатТошкент