ТОШКЕНТ, 16 ноя – Sputnik. “Тошкент-Ҳумо” халқаро аэропортида президент Шавкат Мирзиёев давлат ташрифи билан Ўзбекистонга келган Туркманистон президенти Сердар Бердимуҳамедов билан суҳбат ўтказди. Бу ҳақда президент матбуот хизмати хабар берди.
Мулоқот чоғида давлат раҳбарлари бир-бирларини қутлаб, икки томонлама муносабатларнинг долзарб масалалари юзасидан фикр алмашдилар.
Состоялась встреча Президентов Узбекистана и Туркменистана
© Пресс-служба президента Узбекистана
Шундан сўнг Туркманистон президентини расмий кутиб олиш маросими бошланди.
Ташрифнинг асосий тадбирлари 17 ноябрь куни бўлиб ўтади. Олий даражадаги музокараларда Ўзбекистон–Туркманистон стратегик шериклигини мустаҳкамлаш ва кўп қиррали ҳамкорликни янада чуқурлаштириш масалалари муҳокама қилинади.