ТОШКЕНТ, 15 ноя — Sputnik. Россия хавфсизлик идораларининг РИА Новости агентлигига маълум қилишича, руҳан тушкунликка учраган Украина жангчилари Харьков вилоятида оммавий равишда таслим бўлмоқда.
"57-алоҳида моторли пиёда бригадасининг руҳдан тушган бўлинмалари оммавий равишда таслим бўлишда давом этмоқда. Сўнгги 24 соат ичида бешта бригада ҳарбий хизматчиси таслим бўлди", - деди агентлик манбаси.
Манбага кўра, булар шу йил баҳоридан бери ўз позицияларида бўлган аскарлар.
Харьков йўналишида "Шимол" гуруҳининг жангчилари фаолият юритмоқда. Бу ҳафта улар Синельниково қишлоғини озод қилишди. Душман йўқотишлари 960 нафардан ортиқ аскар (қурбон ва яраланган), учта танк, олтита зирҳли жанговар машина, 70 та ҳарбий машина, 14 та дала артиллерия қуроли, учта электрон уруш станцияси, учта радар, саккизта ўқ-дори омбори, 37 та моддий манбаалар омборини ташкил қилди.