ТОШКЕНТ, 22 сен — Sputnik. Хорватиянинг Загреб шаҳрида ўтаётган спорт курашлари бўйича жаҳон чемпионати юнон-рум кураши бўйича Ўзбекистон терма жамоаси аъзоси Айтжан Халмаханов олтин медални қўлга киритди. Бу ҳақда Миллий олимпия қўмитаси матбуот хизмати хабар берди.
-63 кг вазн тоифасида баҳс олиб борган Халмаханов ҳал қилувчи беллашувда жанубий кореялик Чунг Хан-Жаени мағлубиятга учратишга эришди.
"Бу сўнгги 24 йил ичида юнон-рум кураши бўйича дунё биринчилигида ўзбекистонлик атлетларнинг қўлга киритган дастлабки олтин медали бўлди", - дейилади хабарда.
Шу тариқа, Ўзбекистон терма жамоаси мазкур мусобақада 1 та олтин, 1 та кумуш ва 3 та бронза медалларини жамғаришга эришди.
Олтин медаль: -63 кг: Айтжан Халмаханов (юнон-рум кураши)
Кумуш медаль: -60 кг: Алишер Ғаниев (юнон-рум кураши)
Бронза медаль: -57 кг: Ғуломжон Абдуллаев (эркин кураш)
-65 кг: Умиджон Жалолов (эркин кураш)
-72 кг: Абдулло Алиев (юнон-рум кураши)