Путин Москванинг 878-йиллигига бағишланган тадбирларда иштирок этди

МОСКВА, 13 сен — Sputnik. Россия президенти Владимир Путин Москва аҳолисини пойтахтнинг 878-йиллиги билан табриклади ва шаҳарни дунёнинг энг яхши шаҳри деб атади.

Путиннинг сўзларига кўра, пойтахт сўнгги йилларда барча соҳаларда мамлакат пешқадамига айланган: транспорт, тиббиёт, таълим, маданият, ахборот технологиялари, иқтисодиёт ва бошқа соҳалар.

Бундан ташқари, давлат раҳбари Москвани армиянинг кучли пойдевори деб атади. Ўн минглаб москваликлар фронтда мардонавор курашмоқда, шаҳар аҳолиси ҳам Ватан равнақи йўлида меҳнат қилишга тайёрлиги учун миннатдорлик билдирди.

Путин шаҳар мэри Сергей Собянин ва унинг жамоасига янада улкан мақсадларга эришишда муваффақият тилади.

Янги метро бекатлари очилди

Бугун “Троицкая” линиясининг яна тўртта бекати очилди. Троицкая йўналишида очилган бекатлар “Вавиловская”, “Академическая”, “Крымская”, “ЗИЛ” бўлиб улар шаҳар марказини жануби-ғарбий округ билан боғлайди. Ушбу бекатлар 600 мингга яқин аҳолиси учун транспорт хизматларини яхшилаш имконини беради.

Янгиланган дарё қирғоқлари ишга тушди

Москвада 2011 йилдан бери шаҳар ичидан ўтган дарёларнинг 100 километрдан ортиқ қирғоқлари реконструкция қилинди ва ободонлаштирилди. Яуза дарёсининг барча тарихий қирғоқлари тартибга келтирилди.

Москва дарёсининг ўнг қирғоғида Садовое кольцодан Нагатинский затонгача бўлган олтита қирғоқни ҳар икки томонида ободонлаштириш ишлари якунланди: Шлюзовая (0,9км), Дербеневская (1,5 км), Павелецкая (1,1 км), Даниловская (1,3 км), Новоданиловская (5км) (1,6км) узунлиги 11,4км.

Ундан ташқари 13 ва 14 сентябрь кунлари бўлиб ўтаётган Москва куни доирасида ёшдагилар учун концертлар, спорт мусобақалари, кўргазмалар ва бошқа қизиқарли кўнгилочар тадбирлар бўлиб ўтмоқда.