ТОШКЕНТ, 8 сен – Sputnik. АҚШ президенти Дональд Трамп Ғазо бўйича келишув устида иш жадаллашгани, режа тез орада натижа бериши ва барча гаровга олинганларни озод этиш кўзда тутилаётганини маълум қилди.
АҚШ раҳбарининг таъкидлашича, ҳозирда ижобий натижа бериши кутилаётган ечим устида музокаралар олиб борилмоқда.
“Бу ҳақда тез орада хабар топасиз. Биз масалани ҳал қилиш ва гаровдагиларни қайтариш учун ҳаракат қиляпмиз”, — деди Трамп, қўшимча тафсилотларни очиқламасдан.
Оқ уй, Трампнинг ҲАМАСга йўллаган сўнгги огоҳлантиришидан кейин можарони юмшатиш ва гуманитар масалаларда амалий қадамлар ташланишига умид билдирмоқда.