ТОШКЕНТ, 8 сен – Sputnik. Футбол бўйича Ўзбекистон миллий терма жамоаси Марказий Осиё Футбол ассоциацияси Миллатлар кубоги (CAFA Nations Cup) ғолиби бўлди.
8 сентябрь куни Тошкентдаги янги “Олимпик” стадионида Эрон жамоасига қарши бўлиб ўтган учрашув 1:0 ҳисобида якунланди. Ўйиндаги ягона голга Ҳожиакбар Алижонов муаллифлик қилди.
Футболчиларга олтин медаллар ва кубокни президент Шавкат Мирзиёев топширди. Тақдирлаш маросимида FIFA раҳбари Жанни Инфантино ва бошқа расмий шахслар ҳам иштирок этди.
Учинчи ўрин учун кечган баҳсда Ҳиндистон Ўмон устидан ғалаба қозонди.
“CAFA Nations Cup-2025” мусобақасида 8 та миллий жамоа иштирок этди. Ўйинлар Тошкент ва Душанбе шаҳарларида ўтказилди.