ТОШКЕНТ, 21 авг – Sputnik. Россия президенти Владимир Путин Владимир Зеленский билан учрашишга тайёрлигини бир неча марта айтган, бироқ бу учун вазирлар ва экспертлар олий даражада кўриб чиқишни талаб қиладиган масалаларни олдиндан ишлаб чиқишлари керак. Бу ҳақда Россия ташқи ишлар вазири Сергей Лавров маълум қилди.
“Президентимиз у, жумладан, жаноб Зеленский билан учрашишга тайёрлигини бир неча марта айтган, шуни тушунган ҳолдаки, олий даражада кўриб чиқишни талаб қиладиган барча масалалар яхши ишлаб чиқилади ва экспертлар, вазирлар тегишли тавсияларини тайёрлашади. Ва албатта, агар иш, умид қиламанки, бўлажак келишувларни имзолашга етганида бу келишувларни Украина томонидан имзолайдиган шахснинг қонунийлиги тўғрисидаги масала ҳал қилинади”, - деди Россия ТИВ раҳбари.
Лавровнинг эслатишича, Зеленский Путин билан музокаралар ўтказишни тақиқловчи ўзининг уч йил олдинги фармонини ҳалиям бекор қилмаган.