ТОШКЕНТ, 21 авг – Sputnik. Швейцариянинг Лозанна шаҳрида енгил атлетика бўйича нуфузли "Бриллиант лига" туркумининг навбатдаги босқичи бўлиб ўтди. Ўзбекистонлик спортчи Анвар Анваров узунликка сакрашда 7,84 метр натижа кўрсатиб, олтин медални қўлга киритди, дея хабар берди Миллий олимпия қўмитаси.
Иккинчи ўринни Швейцария вакили Саймон Эхаммер (7,72 м) эгаллаган бўлса, учинчи ўринни ямайкалик Тежей Гейл (7,71 м) эгаллади.
Анваров Сафина Садуллаевадан кейин Бриллиант лигаси турнирида ғалаба қозонган иккинчи ўзбекистонлик спортчи бўлди.
"Бриллиант лигаси" серияси 2010 йилдан бери ўтказиб келинади ва Олимпия ўйинлари ҳамда жаҳон чемпионатлари қаторида енгил атлетикадаги энг нуфузли мусобақалардан бири саналади. 2025 йилда у ўз тарихида 16-маротаба ташкил этилиб, 27–28 август кунлари Цюрихдаги финал билан якунланади.