ТОШКЕНТ, 19 авг — Sputnik. Президент Шавкат Мирзиёев 18 август куни "Янги Ўзбекистон" боғи ёнидаги янги меҳмонхона мажмуасини бориб кўрди. Бу ҳақда президент матбуот хизмати хабар берди.
Мажмуа 8 гектардан ортиқ майдонни эгаллайди ва қуйидагиларни ўз ичига олади: Ҳар бири 62 та хонадан (124 ўринли) иборат 12 та беш қаватли уч юлдузли меҳмонхона, 375 ўринли "Янги Тошкент" анжуманлар зали, 310 ўринли ресторан, соғломлаштириш маркази ва очиқ спорт майдончаси.
Меҳмонхоналарга Қорақалпоғистон ва вилоятлар номи берилган. Объектни бошқариш Leo Hospitality Solutions, Radisson Individuals ва Trademark Collection by Wyndham халқаро компанияларига топширилди. Хусусий банклар шунга ўхшаш мажмуаларни бошқаришда иштирок этишга таклиф қилишди.
540 та иш ўрни яратилиб, мажмуа қўшни туманлар инфратузилмасини яхшилаш орқали йилига 55 минг нафаргача сайёҳга хизмат кўрсатиш имкониятига эга бўлади.
Президентимиз хизматлар турини кўпайтириш, сифатини ошириш, ҳудудларда кўп тармоқли меҳмонхона хизматларини фаол тарғиб қилиш зарурлигини таъкидлади.
Тошкент шаҳридаги “Янги Ўзбекистон” боғи яқинига замонавий меҳмонхоналар мажмуаси қурилди
© Пресс-служба президента Узбекистана