ТОШКЕНТ, 19 авг — Sputnik. “Ташаббусли бюджет” жараёнларининг 2025 йил 2-мавсуми доирасида саралаш босқичи якунланди ҳамда тарғибот босқичи бошланди. Бу ҳақда Иқтисодиёт ва молия вазирлиги матбуот хизмати хабар берди.
"Жорий йилнинг 19–21 август кунлари “Ташаббусли бюджет” лойиҳасининг 2-мавсуми доирасида саралашдан ўтган лойиҳалар учун 3 кунлик тарғибот босқичи ўтказилади",- дейилади хабарда.
Бунда, ташаббускорлар саралашдан ўтган лойиҳаларни тарғиб қилиш орқали овоз бериш босқичига тайёргарлик кўради.
Эслатиб ўтамиз, 2-мавсумдаги ушбу лойиҳалар учун 2 триллион 690 миллиард 432 миллион сўм ажратилиши кўзда тутилган, шундан вилоятлар учун :
Фарғона — 343,5 млрд.
Самарқанд — 281,8 млрд.
Қашқадарё — 255,3 млрд.
Андижон — 249,5 млрд.
Тошкент — 231,5 млрд.
Наманган — 225,9 млрд.
Сурхондарё — 198,8 млрд.
Бухоро — 183,3 млрд.
Қорақалпоғистон — 169,5 млрд.
Хоразм — 163,5 млрд.
Жиззах — 126,2 млрд.
Навоий — 109,2 млрд.
Тошкент ш. — 101,3 млрд.
Сирдарё — 50,7 млрд.
Туманлар кесимида энг кўп маблағ Самарқанд вилояти Пастдарғом туманидаги лойиҳалар учун ажратилган бўлиб, таҳминан 24 миллиард сўмни ташкил этади. Бу эса Сирдарё вилоятига ажратилган маблағларнинг қарийиб ярми билан тенг.