ТОШКЕНТ, 5 авг – Sputnik. Бирлашган Миллатлар Ташкилоти (БМТ) Ўзбекистонда Агроинновацион марказ барпо этишни режалаштирмоқда. Бу ҳақда Қишлоқ хўжалиги вазирлиги мабуот хизмати хабар берди.
БМТнинг Денгизга чиқиш имконияти бўлмаган ривожланаётган мамлакатлар бўйича учинчи конференцияси доирасида Ўзбекистон қишлоқ хўжалиги вазири Иброҳим Абдураҳмонов ҳамда БМТ бош котиби ўринбосари Фотима Рабоб ўртасида учрашув бўлиб ўтди.
Ограниченная география — неограниченные возможности
© Министерство сельского хозяйства
Учрашувда 2024 йил 5-6 сентябрь кунлари Тошкент шаҳрида бўлиб ўтган халқаро форум давомида эришилган келишувлар муҳокама қилинди.
Хусусан, вазирлик ҳузурида Марказий Осиё ва Кавказ мамлакатлари учун денгизга чиқиш имконияти чекланган шароитда доимий мулоқот ва илмий ҳамкорликни ривожлантириш мақсадида Агроинновация хабини ташкил этиш ташаббуси диққат марказида бўлди.
Рабоб Ўзбекистон томонидан ишлаб чиқилган Агроинновацон хаб концепцияси ҳозирда ФАО томонидан кўриб чиқилаётганини маълум қилиб, иккита шундай хабни яратиш - бири Африкада, иккинчиси Ўзбекистонда - режалаштирилаётганини қўшимча қилди.
Вазирлик ҳузурида “Денгизга чиқиш имконияти бўлмаган ривожланаётган давлатлар: озиқ-овқат хавфсизлиги ва барқарор ривожланиш мақсадлари” йўналишидаги мулоқотларни тизимли мувофиқлаштириб бориш учун Котибият ташкил этилгани билдирилди.
Учрашув якунида Агроинновацион марказни ташкил этиш бўйича ишларни жадаллаштиришга келишиб олинди.