ТОШКЕНТ, 3 авг – Sputnik. Венгрия парламентида Ўзбекистон билан икки томонлама иқтисодий ҳамкорликни кенгайтириш масалалари муҳокама қилинди. Бу ҳақда “Дунё” АА хабар берди.
Ўзбекистон элчиси Ойбек Шахавдинов Венгрия Миллий мажлиси вице-спикери Иштван Якаб билан унинг Ўзбекистонга бўлажак ташрифига тайёргарлик доирасида учрашув ўтказди.
В парламенте Венгрии обсуждены вопросы расширения двустороннего экономического сотрудничества с Узбекистаном
© ИА "Дунё"
Музокаралар чоғида томонлар парламентлараро мулоқотни мустаҳкамлаш, қишлоқ хўжалиги, таълим ва маданият каби устувор соҳаларда икки томонлама ҳамкорликни ривожлантиришдан манфаатдор эканлиги таъкидланди.
Шунингдек, кутилаётган ташриф давомида Ўзбекистон ва Венгрия ўртасидаги иқтисодий шериклик, хусусан, ўзаро ҳамкорликни кенгайтириш учун сезиларли салоҳиятга эга бўлган қишлоқ хўжалиги соҳасидаги алоқаларни мустаҳкамлашга алоҳида эътибор қаратилиши қайд этилди.