ТОШКЕНТ, 30 июл – Sputnik. Сингапурда сув спорти турлари бўйича жаҳон чемпионати доирасида Ўзбекистон делегацияси етакчи халқаро спорт ташкилотлари раҳбарияти билан бир қатор муҳим учрашувлар ўтказди. Бу ҳақда Миллий олимпия қўмитаси матбуот хизмати хабар берди.
Тадбирларда Ўзбекистон спорт вазири Адҳам Икромов, Миллий Олимпия қўмитаси раисининг биринчи ўринбосари, Осиё Олимпия кенгаши (ООК) вице-президенти Отабек Умаров ҳамда Миллий Паралимпия қўмитаси раисининг биринчи ўринбосари, Ижтимоий ҳимоя Миллий агентлиги директорининг биринчи ўринбосари Шаҳноза Мирзиёева, МОҚ бош котиби Ойбек Қосимов иштирок этишди.
Обсуждены новые этапы сотрудничества с World Aquatics
© НОК Узбекистана
Ўзбекистон делегацияси аъзолари Бутунжаҳон сузиш федерацияси (Wоrld Aquatics) президенти, Осиё Олимпия кенгаши Бош директори Ҳусайн Ал-Мусаллам билан учрашув ўтказди, учрашув бошида World Aquatics раҳбари Шаҳноза Мирзиёевани ташкилот Ижроия қўмита бюросининг таркибига сайлангани билан қутлади. Суҳбат давомида сув спорти турларини ривожлантириш бўйича қўшма "йўл харитаси"ни ишлаб чиқиш борасида фикр алмашишди ва соҳада малакали кадрларни янада кўпайтириш борасидаги режалар муҳокама қилинди. Ал-Мусаллам ўзбекистонлик спортчиларнинг юқори салоҳиятини қайд этиб, ҳамкорлик жадал ривожланиб бораётганидан мамнунлигини билдирди.
Шунингдек, Халқаро Олимпия қўмитаси президенти Кирсти Ковентри ҳамда Олимпия бирдамлиги дастури директори, ХОҚнинг Миллий Олимпия қўмиталари билан ишлаш департаменти раҳбари Жеймс Маклеод билан учрашув бўлиб ўтди. Ўзбекистон делегацияси вакиллари Кирсти Ковентрига Халқаро олимпия ҳаракатини ривожлантиришга қўшган ҳиссаси учун миннатдорлик билдиришди.
Состоялась встреча с Президентом МОК Кирсти Ковентри
© НОК Узбекистана
Кирсти Ковентри, ўз навбатида, Шаҳноза Мирзиёеванинг World Aquatics Ижроия қўмитаси Бюросининг таркибига кирганлиги билан табриклади. Собиқ сузувчи сифатида ушбу масъулиятли лавозимнинг аҳамияти ҳақида гапириб, маслаҳатлар берди.