ТОШКЕНТ, 29 июл – Sputnik. Қонунчилик палатасининг навбатдаги мажлисида “Самарқанд вилоятининг Каттақўрғон шаҳри, Каттақўрғон ва Нуробод туманлари чегараларини ўзгартириш тўғрисида”ги қарори лойиҳаси қабул қилинди. Бу ҳақда Олий Мажлис Қонунчилик палатаси матбуот хизмати хабар берди.
Каттақўрғон шаҳрининг ўрта шаҳар мақомидан йирик шаҳар мақомига ўтиши, аҳоли ўсиши ва ижтимоий-иқтисодий ривожланишни ҳисобга олиб, аҳоли учун қулай шароитлар яратиш, янги инфратузилма объектлари ва кўп қаватли турар жой мажмуалари барпо этиш учун унинг ҳудудини кенгайтириш режалаштирилган.
Вазирлар Маҳкамасининг таклифига мувофиқ, Каттақўрғон туманидан Каттақўрғон шаҳрига 1945 гектар, Нуробод туманидан 971 гектар ер майдони, Каттақўрғон туманига Нуробод туманидан 600 гектар ер майдони ўтказилмоқда.