ТОШКЕНТ, 29 июл – Sputnik. АҚШ президенти Дональд Трамп Россия билан “ультиматумлар ўйини”ни ўйнамоқда, бу таҳдид ва “унинг мамлакати билан” уруш сари қадам. Россия Хавфсизлик кенгаши раиси ўринбосари Дмитрий Медведев шундай фикр билдирди.
“Трамп Россия билан ультиматум ўйинини ўйнамоқда: 50 кун ёки 10 кун... У икки нарсани ёдда тутиши керак: 1. Россия Исроил ҳам, ҳатто Эрон ҳам эмас. 2. Ҳар бир янги ультиматум - бу уруш сари қўйилган қадам ва таҳдид. Россия ва Украина ўртасида эмас, балки унинг ўз мамлакати билан... Уйқучи Жо йўлидан юрманг!”, - дея ёзган Медведев ўзининг Х ижтимоий тармоғидаги саҳифасида.
Илгари Америка раҳбари Россия ва Украина ўртасида сулҳга эришиш учун 50 кунлик муддат белгилаши, натижа бўлмаган тақдирда Москва ва унинг ҳамкорларига қарши 100 фоизлик бож жорий этмоқчи эканини маълум қилганди. Аммо 28 июль куни Трамп бу муддатни 10-12 кунгача қисқартиришини билдирди.