ТОШКЕНТ, 28 июл – Sputnik. 2 августдан Тошкент метросининг ер усти ҳалқа йўли йўналишидаги "Технопарк" — "Янгиобод" бекатлари оралиғида метро поездлари ҳаракати вақтинча тўхтатилади. Бу ҳақда пойтахт метрополитени матбуот хизмати хабар берди.
Таъкидланишича, бу йўналишдаги бекатларда режали профилактик ишлар амалга оширилади.
Метрополитен "Технопарк — Қипчоқ — Технопарк" метро бекатлари оралиғида бепул хизмат кўрсатувчи катта сиғимли автобуслар (метробус) ҳаракатини йўлга қўяди. Уларнинг кунлик иш вақти тонги соат 05:00 дан тунги соат 23:00 га қадар бўлади.
Эслатиб ўтамиз, худди шу йўналишдаги қолган бекатлар ҳам 8 июндан ва 28 июндан вақтинча ёпилганди.