ТОШКЕНТ, 24 июл – Sputnik. Ўзбекистон президенти Шавкат Мирзиёев Россия Федерал Мажлиси Федерация Кенгаши раиси Валентина Матвиенко билан телефон орқали мулоқот қилди. Бу ҳақда президент матбуот хизмати хабар берди.
Федерация Кенгаши раиси президентни таваллуд куни билан самимий табриклаб, унга мустаҳкам соғлик, бахт-саодат ва давлатчилик фаолиятида янги муваффақиятлар тилади.
Ўзбекистон билан Россия ўртасидаги кенг қамровли стратегик шериклик ва иттифоқчилик муносабатларини, шу жумладан самарали парламентлараро ҳамкорликни янада мустаҳкамлаш масалалари кўриб чиқилди.
Олий даражадаги келишувлар ижроси устидан парламент назоратини таъминлаш, саноат кооперацияси, таълим ва маданият соҳаларида қўшма лойиҳа ва дастурларни илгари суриш бўйича фаол ҳамкорликни давом эттириш муҳимлиги қайд этилди.