ТОШКЕНТ, 24 июл – Sputnik. Евроосиё иқтисодий комиссияси (ЕИК) ҳайъати раиси Бакитжан Сагинтаев Ўзбекистон президенти Шавкат Мирзиёевни туғилган куни билан табриклади. Бу ҳақда ЕИК матбуот хизмати хабар берди.
“Сизнинг раҳбарлигингизда Ўзбекистон иқтисодий салоҳиятни юксалтириш, фуқаролар фаровонлигини ошириш йўналишини изчил амалга ошириб келмоқда, Евроосиё интеграция жараёнларининг фаол иштирокчиси ҳисобланади”, — дейилади табрик мактубида.
Бакитжан Сагинтаев Шавкат Мирзиёевга мустаҳкам соғлик, фаровонлик ва Ўзбекистон фаровонлиги йўлидаги масъулиятли фаолиятида муваффақиятлар тилади.
Маълумот учун, Ўзбекистон 2020 йилнинг 11 декабрида Евроосиё иқтисодий иттифоқи (ЕОИИ) да кузатувчи мақомини олган.