ТОШКЕНТ, 23 июл – Sputnik. Россия қўшинлари Суми вилоятидаги Варачино қишлоғини назорат остига олди, деб хабар берди Россия Мудофаа вазирлиги.
“Фаол ҳаракатлар натижасида “Шимол” қўшинлари гуруҳи Суми вилоятидаги Варачино аҳоли пунктини озод қилди”, — дейилади хабарда.
Гуруҳ жангчилари, шунингдек, Ястребиное, Храповшина, Рижевка, Хотень ва Юнаковка ҳудудларида Украина Қуролли кучларининг бешта бригадаси ва иккита ҳужум полкининг ишчи кучи ва техникасига ҳужум қилди.
Украина армияси тахминан 165 аскар, еттита автомобиль, бешта артиллерия қуроли, радиоэлектрон кураш станцияси, моддий ресурслар омборини йўқотди.
Март ойи бошида рус қўшинлари Курск вилоятининг чегара ҳудудларида кенг кўламли ҳужумни бошлади, 26 апрель куни эса Бош штаб бошлиғи Валерий Герасимов президент Владимир Путинга минтақани украиналик жангчилардан озод қилиш бўйича операция якунлангани ҳақида ҳисобот берди.
22 май куни Путин ҳарбийлар Украина билан чегарада буфер хавфсизлик зонасини яратиш муаммосини ҳал қилаётгани ҳақида хабар берди.