ТОШКЕНТ, 22 июл – Sputnik. Россия ва Украина музокараларининг янги раунди 24-25 июль кунлари бўлиб ўтади. Бу ҳақда РИА Новости ўз манбасига таянган ҳолда хабар бермоқда.
“24-25 июль кунлари”, - дея жавоб берган агентлик ҳамсуҳбати тегишли саволга жавоб бераётиб.
РИА Новостининг ёзишича, янги учрашувда Россия ва Украина делегациялари тинчлик меморандумига оид ўзаро фикр алмашади, айрим гуманитар масалаларни муҳокама қилади.
Аввалроқ турк ОАВ музокаралар яна Истанбулда бўлиб ўтишини хабар қилганди.
Россия ва Украина икки марта бевосита музокаралар ўтказди. Улар 16 май ва 2 июнь куни Истанбулда бўлиб ўтди. Уларнинг якуни асирлар билан ўзаро алмашиш бўлди. Шунингдек, Москва Киевга минглаб ҳалок бўлган украин аскарларининг жасадларини топширди. Қолаверса, томонлар можарога барҳам бериш юзасидан меморандум лойиҳалари билан ўзаро алмашишди.