ТОШКЕНТ, 19 июл — Sputnik. Германияда ўтаётган Бутунжаҳон ёзги Универсиада ўйинларида Ўзбекистон делегацияси дастлабки медалларига эга чиқди. Бу ҳақда Миллий олимпия қўмитаси хабар берди.
Рейн-Рур-2025: Икромова и Усмонов принесли первые медали нашей делегации
© НОК Узбекистана
Муросасиз кечган баҳсларда ўзбекистонлик спортчилар 2 та кумуш медалга сазовор бўлишди.
Дастлабки медални бадиий гимнастиканинг кўпкураш дастурида Париж-2024 Олимпиадаси иштирокчиси Тахмина Икромова келтирди.
Шундан сўнг сузиш баҳсларида Элдорбек Усмонов 50 метрга баттерфляй усулида кечган мусобақада маррага иккинчи бўлиб етиб келди.
Рейн-Рур-2025: Икромова и Усмонов принесли первые медали нашей делегации
© НОК Узбекистана
16-27 июль кунлари Германиянинг Рейн-Рур регионида Бутунжаҳон ёзги Универсиада ўйинлари бўлиб ўтмоқда. Мусобақада 119 давлатдан 5100 нафардан ортиқ спортчи иштирок этмоқда.
Рейн-Рур-2025: Икромова и Усмонов принесли первые медали нашей делегации
© НОК Узбекистана
Ўзбекистон делегацияси бу галги Универсиада ўйинларида 11 спорт турида 18 та олий таълим муассасаларида таҳсил олувчи 53 нафар спортчи билан иштирок этмоқда.