ТОШКЕНТ, 16 июл — Sputnik. Россия президенти матбуот котиби Дмитрий Песков АҚШнинг Украинага қурол етказиб бериш бўйича янги схемаси ҳақида гапириб, бу бизнес эканлигини таъкидлади.
“Бу бизнес. Етказиб бериш бунгача ҳам бор эди. Уларни ҳеч ким тўхтатмади. Гап уларга ким тўлашида, холос”, - деди Песков журналистнинг АҚШ президенти Дональд Трампнинг Украинага қурол етказиб бериш учун Европага қурол сотиш қарорини Кремль қандай баҳолаётгани ҳақидаги саволига жавобан.
Ўзидан олдинги президент Жо Байденни Украинага кўп миллиард долларлик ҳарбий ёрдам кўрсатгани учун бир неча бор танқид қилган Трамп душанба куни Киевга НАТО иттифоқчилари орқали қурол етказиб беришнинг янги схемасини эълон қилди.
Унинг сўзларига кўра, АҚШ Европа мамлакатларига миллиардлаб долларлик йирик қурол-яроғлар партиясини, жумладан, ракеталар, ҳаво ҳужумидан мудофаа тизимлари ва ўқ-дориларни сотади, шундан сўнг иттифоқчилар уларни Украинага ўтказади ва америкалик ишлаб чиқарувчилардан янги харидлар ҳисобига ўз захираларини тўлдиради. Трампнинг таъкидлашича, схема тўлиқ келишилган ва яқин келажакда НАТО мамлакатлари маблағлари ёрдамида амалга оширилади.